我的離教書目推薦

我的智商

IQ Test
Free-IQTest.net - IQ Test

Wednesday, February 16, 2011

基督教信徒的品格﹑知識水平都下降了

今日連續在討論區用長文回覆了幾個信徒。一個有關《尼西亞信經》﹐個信徒看見人引用天主教的中文翻譯唔知頭唔知路就說「This is the Catholic “信經”」﹐比我片左一輪。另外一個﹐看見我說耶穌明知自己會復活﹐所以他犧牲並不真心﹐就學人拋「基督論」﹐說「耶穌雖然係神,但佢亦都係人,受人的限制。佢既然有人的限制,又點知死左之後一定會拎番條命。唔知的時候亦都肯付出,呢個就叫犧牲」﹐話我「一點基督論的認識都無」﹐我二話不說就列出馬太福音、馬可福音經文指出耶穌是知道他死後三日會復活的來反駮佢。然後有個信徒同我爭論信徒自殺問題﹐我指出自殺者有心理精神困擾﹐唔應該用信徒標準衡量批判﹐佢居然以專家自居﹐話「若人都把個人榮辱都放開了, 又怎會走上精神分裂的路上呢??」﹐又比我用醫學文獻反駁了。

一連串例子都令我驚覺信徒不論品格和知識水平都下降了。

這是我近幾年觀察網上信徒的整體感覺﹐ 但最近就有一個信徒也有同樣的觀察。佢帶查經﹐ 講”羅馬書“﹐ 一問參加的信徒大專生﹐有部份信主達到10年﹐原來不識得”羅馬書“是誰作的﹐保羅係咩人﹐他生平一二事跡都不懂得。

這帶查經的信徒問這些青年人原因﹐原來他們「團契聚會沒有查聖經,崇拜講道可能有提及過,但不記得了」「教會因出席率太低,早幾年已取消了主日學。」.....
聖經基礎本來都係基督徒的基本功﹐居然淪落如此﹐假如你再問他們“深”少少的東西﹐例如教會歷史﹐主要神學觀念﹐隨時呆望住你﹐唔知道你講咩。
自己基督教既都不懂得﹐當然就連基督教以外既都隨時係“也也烏”。
我想呢D係香港社會大氛圍造成﹐ 就是係今日80後﹑90後﹐ 知識﹑常識既貧乏﹑對世界視野狹窄﹐也同呢D信徒有得揮。同樣地﹐教會新一代厭惡知識﹑理性的程度也非常嚴重﹐我認識而佩服的一位基督徒學者﹐據我知道﹐基督教福音派裡面唔少人對佢恨之入骨﹐他可是根正苗紅的信徒﹐只是他的行為太似很多信徒心目中的“反基”﹐ 例如佢堅持
(1) 唔可以因人廢言
(2) 討論要有完整論述而且要充分理據﹑邏輯正確合理
(3) 討論時候要誠實
(4) 唔可以輸打贏要
(5) 要講道理﹑正面地討論
(6) 不打稻草人﹑重學術誠信
(7) 目的不是合理化手段的理由 - the ends do not justify the means
而今天基督教正是集合了 (1) 因人廢言 (2) 冇論述得大罵﹑冇理據﹑冇邏輯 (3) 討論唔誠實 (4) 輸打贏要 (5) 不講道路﹑不正面討論 (6) 打稻草人﹑放棄學術誠信 (7) 「只要能達到目的,手段再差一點也可以接受」等要素﹐而且還會認為是「各人對聖經的領受不同」「有人支持我,是聖靈引導的明證」來開脫﹐真係吹佢唔脹。

信徒對這位學者非常憎恨﹐而且因為佢多次批評基督教內奉為“正統”的明光社陣營﹑每次都切中要害﹑還出埋書批評明光社﹐而且揭露基督教福音派手段錯誤 (甚至卑劣)的真相﹐ 對好多信徒來說有不共戴天之恨。

但反觀我做信徒既年代﹐基督教想到開明﹐而且有學識人士好多﹐都堅持好似 (1) - (7) 咁做法﹐那年代信徒不但要傳福音﹐而且也十分重視個人行事為人﹐不能夠為了達到目的而不擇手段。

唔知道點解今日如果信徒堅持 (1) - (7) 就會比人 label﹐ 如果你膽敢指出基督教教會/機構手段有問題﹐ 就已經當你係叛教﹑假信徒﹐仲大件事過我離教。

最近﹐某香港討論區基版有人叫某信徒唔好“因人廢言”﹐ 個信徒直情話佢係魔鬼既爪牙....

就算唔講學識﹐我年代的時候﹐教會多數人都是忠厚正直老實的好人﹐好似呢度討論區信徒既行為佢地真係諗都冇諗過會做或者有信徒做﹐而我認識唔少牧師因為是甘心奉獻﹐收入微薄﹑生活簡朴﹐也會對窮人有同情心﹐表現出相對是無私既操守﹐我還保持同一個牧師既友誼﹐都係敬佩佢那份正直既為人。

就算係一般人認為十分反智盟塞既基要派教會,那些教會的教導﹐當年和今天都很保守 (道德﹑教義) 但仍然十分強調做事手段要正確﹐光明磊落﹐要無可指責﹐唔能夠 “海就是神仙,勝者為王、敗者為寇”等。

但近年香港教會既組織有變化﹐開始有錢有權勢﹐特別類似恩福堂﹑港福堂既有錢特大教會﹐牧師薪金真係好好既﹑而且所擁有既榮耀也非同小可﹐而且教會結構有另外的變化就是有些名牧坐擁超級大教會,內中有大量社會權貴 (官員),有利教會用名人宣傳﹑也可以日後動員信徒參與一些民粹行動﹐ 所以越來越變本加厲地只顧招攬信徒入教

教會在財力的膨脹﹑在權勢上可以接觸官員﹑和當權人士越來越走在一起﹐自然引了一D心術不正既人加入教會和牧師行業﹐當然教會開始也攀附政府權勢﹐講天堂而不講對窮人既公義﹐好強調一次得救永遠得救﹐唔多講信徒操守 (最多講你係唔係同性戀﹑看不看色情物品﹐但你是否誠實﹑光明磊落就唔多理會啦)

教會比物質﹑權力﹑金錢迅速腐化﹐本來正直既牧師領袖和信徒 真係冇咩多少個留得低。
教會為了聚斂金錢﹑人數﹐也降低對信徒品格要求﹐以前因為比較在意普通信徒既見證﹑品格﹐有咩問題都會指出來﹐但現在咩狗屎垃圾都可以入教會﹐膠人可以成為組長導師﹑上樑傾斜下樑就自然咁﹐然後有咩信徒﹐自然有咩既神學生和牧師。
而這種惡性循環之下﹐ 大家在討論區所見信徒的言行越來越敗壞﹐係必然既結果。

以前教會領袖執事重他們品格﹑為人﹐今日教會﹐執事變晒 "Executive" ﹐能在教會上位的,執事(話事)的,傳道和教導者皆擅長厚黑學 ﹕ 厚者面皮厚,死唔認錯,視而不見,以權位無視別人);黑者凡事用大事他小,或者把不單純的動機/行為進行”溝淡”,將不同意見抹黑或者消音 -- 有這些領袖﹐ 大家望下封閉既基督教版既耶徒﹐ 就知道他們跟隨既不是”基督“。

真係或者我們唔需要太大力反基督教﹐ 基督教正在自己拆毀基礎了。

4 comments:

Magic said...
This comment has been removed by the author.
Magic said...

Well, the local Christians don't even want to engage in debate anymore.

I just came across this book "36 ARGUMENTS FOR THE EXISTENCE OF GOD" By Rebecca Newberger Goldstein

Here is the sample chapter, see if you are interested.

Miniaturequeen said...

阿貓姐﹐請問你知五知HKDISCUSS道個版主CARR系米痴線﹖佢話我講人系番鬼佬中傷人罰我20分。香港有幾多人恨做鬼老﹖中國人信番鬼老教。到底CARR是否基督徒﹖點解要塭基基來做版主﹖如果有一個基徒﹐就一定要一個非基督徒平衡番。
請貓姐仗義執言。

大黃傻貓GARFIELD said...

@Miniaturequeen
你係唔係講緊 Carr247。佢自稱信仰純正信徒﹐不過我相信佢思辯能力實在有問題﹐唔客氣講係低能既。

西洋笑話 - 次次來次次更新