基督信仰面對現代多元社會陷入嘅困局

在近年多國陸續承認同性婚姻、甚至考慮承認同性婚姻和立法保障同性戀／雙性戀及跨性別時，最常聽到的反對論點為：
「各地嘅性解放人士，都係想用立法嘅手段，迫其他人（其實主要講緊基督徒）認同、接受同性戀／雙性戀及跨性別、認同佢哋嘅婚姻」。

然而呢個論點有極大謬誤。

今日好多文明地方，香港咁，基督教係獲社會認可、法律保障嘅宗教，請問呢啲法律認可、保護，而家有冇俾基督教能力逼人去認同基督信仰？同樣哋，今日好多文明地方、法律保障唔同宗教嘅自由，請問呢啲法律認可、保護咗其他宗教嘅自由同時，是否有逼基督徒和所有人認同其他宗教（拜神、佛教、印度教）？

香港和唔少地方嘅法律認可嘅婚禮亦唔止基督教儀式嘅婚禮，而家法律承認嘅婚禮儀式，係唔單止基督教嘅。
係香港法律嘅181章，只要係法律特許禮拜場所婚禮、神職人員見證嘅都係承認嘅。而呢啲禮拜場所有：
（1）印度廟
（2）香港觀宗寺（佛教）
（3）安息日會（耶撚眼中嘅異端）
（4）九龍尖沙咀清真寺（回教）
（5）嗇色園黃大仙祠（道教）
（6）守望台嘅聖經書社（又係異端）
（7）摩門教嘅各堂（又係異端）
（8）所有天主教嘅聖堂（對部分耶撚天主教都係異端）

換言之，係唔係基督教自願咁認同異端、回教、道教、印度教、佛教嘅婚禮？定係已經比人迫到要認同異端、回教、道教、印度教、佛教嘅婚禮？

法律就係要在多元社會裏對人人一視同仁，冇人得到優待、人人嘅權益受保障，但亦絕對冇迫任何人認同他人嘅價值觀（婚姻、信仰等等），基督信仰面對現代多元社會陷入呢啲嘅困局，要樹立敵人（話人哋迫基督教承認、認同乜乜乜），係源自基督信仰本身嘅「一元」思維和強迫性質、霸道（bigotry）嘅教條

基督教在千多年前羅馬帝國君士坦丁大帝皈依、以「米蘭詔書」將基督教變成羅馬國教，本質就係迫所有羅馬帝國公民認同、皈依基督信仰。而當時多元嘅基督教派（靈智派、一神派等）亦變成「一元」嘅（即今日基督教所謂「正統」嘅前身）。

基督信仰嘅權威聖經，本身都充滿勉強、威逼他人皈依基督信仰、認同基督教價值嘅訊息。換而言之，基督教所有教導，就係用勉強、威逼他人認同嘅手段面對其他不同想法、信仰嘅人。呢啲嘅信奉和虔誠，係要將基督教在社會觸及、遇見、交往嘅一切，都納入教條嘅控制之下，哪怕是個信徒開間餅店整蛋糕，整蛋糕也是信仰嘅一部分。


在羅馬帝國、或者中世紀歐洲，各地信仰都牢牢控制在基督教教會下，當然好似冇遇過挑戰和阻力。

但係在啟蒙之後、離開歐洲，到廿一世紀，基督教呢度打橫行嘅信仰和教義，則遇到越來越緊迫嘅質疑、反對。

然而，教會，起碼基要派、福音派冇改變過基督教本質裡面「將基督教在社會觸及、遇見、交往嘅一切，都納入教條嘅控制之下」嘅意識形態。

呢個意識形態源自基督信仰認為神掌管一切、信徒則要在世實行神嘅旨意，兼且基督信仰係凌駕其他人、人間嘅學識、法律，衝突就難以避免。

如果唔係基督教及早政教分離，恐怕會變成另一個ISIS。