道金斯博士（Richard Dawkins）「神啲幻覺」The God Delusion 出版10週年

不經不覺，原來道金斯博士（Richard Dawkins）「神啲幻覺」The God Delusion 出版10週年。

2006年出版嘅書，影響嘅唔止係讀者。當一位文筆生動流暢嘅人將反對神、不信神嘅理據以深入淺出嘅方法表達，係真係影響深遠。

隨後同名嘅電視紀錄片，更加影響英語世界、觸發2006年之後 Neo-atheism新無神論運動，仲有係更多人高調咁離開信仰，無神論／世俗主義／人文主義在不少以往係基督教主導文化嘅地區更加活躍，更加敢於打破社會「尊重宗教」嘅固有定見。

呢十年來，無神論與宗教嘅互動、辯論，係前所未有咁多。

互聯網發展成為個人媒體平台後，更多人發表反信仰、無神論嘅言論，仲毫無顧忌。

「神啲幻覺」The God Delusion唔止提出為何反對有神信仰，更加帶出即使不信有神，人仍然可以活得好、做到好人、能夠造福社會，甚至比信有神嘅更加好。書中提出，根本冇信仰、不信有神嘅人，絕少係因不信有神而會諗住殺人放火，因為人類演化為社會群體居住生活，就必須不會自相殘殺、互相掠奪，先避免到內鬥導致物種嘅滅絕，能夠形成不會自相殘殺、不互相掠奪、會互相照顧尊重，就便利人類可以更加多人一齊和平咁結合組織為社會群體居住，便利演化。

我係離教之前一個月讀The God Delusion，讀完之後就冇懸念。



轉貼：
http://www.patheos.com/blogs/friendlyatheist/2016/10/02/atheists-reflect-on-the-impact-of-the-god-delusion-ten-years-after-its-release/?utm_source=dlvr.it&utm_medium=facebook